ಕ್ರಿಕೆಟ್ ಮತ್ತು ಟೀಮ್ ನ ಹೆಸರುಗಳು........

ನನ್ನ ಮೆಚ್ಚಿನ ಆಟವಾದ ಕ್ರಿಕೆಟ್ ನಿಂದ ಬರೆಯಲು ಪ್ರಾರಂಭಿಸುತ್ತೇನೆ.........

ನಾನು ಕ್ರಿಕೆಟ್ ಆಡಲು ಪ್ರಾರಂಭಿಸಿದ್ದು ಚಿಕ್ಕೋನು ಇದ್ದಾಗ ( ನನಗೆ ಸರಿಯಾಗಿ ನೆನಪಿಲ್ಲ )
ಟೂರ್ನಮೆಂಟ್ ಆಡಲು ಪ್ರಾರಂಭಿಸಿದ್ದು ಹೈಸ್ಕೂಲ್ ನಲ್ಲಿ ಇದ್ದಾಗಿಂದ... ಹಾಗೆ ಫುಲ್ ಟೈಂ ಸ್ಟಾರ್ಟ್ ಮಾಡಿದ್ದು College ಮೆಟ್ಟಿಲು ಹತ್ತಿದಾಗಿಂದ..!!!!!!!

ಆವಾಗ Class ಲ್ಲಿ ಕಡಿಮೆ, Ground ಲ್ಲಿ ಫುಲ್ ಟೈಂ ಇರುತ್ತಿದ್ದೆ..!!!
ನಮ್ಮ ಟೀಮ್ ಹೆಸರು " ಪ್ಲೇ ಬಾಯ್ಸ್ " ( PLAY BOYS ), ಇವರಿಗೆ " ಲೇಟ್ ಬಾಯ್ಸ್ " ಅಂತಾನು ಕರಿತಾರೆ. ಯಾವಾಗಲು ಮ್ಯಾಚ್ ಗೆ ಲೇಟ್ ಆಗಿಯೇ ಬರೋದು ಇವರು.. ಅದಿಕ್ಕಾಗಿಯೇ ಈ ಹೆಸರು ಇವರಿಗೆ.

ಯಾವ ಪುಣ್ಯಾತ್ಮನಿಗೆ ನೆನಪಾಯಿತೋ ಇ ಹೆಸರು... ನಾವು ಇರೋದಕ್ಕು ಈ ಹೆಸರಿಗೂ ಯಾವುದೇ ಸಂಬಂಧ ಇಲ್ಲ. ಇದರಲ್ಲಿ ಇರೋರೆಲ್ಲ " ಗುಡ್ ಬಾಯ್ಸ್ " ಮಾತ್ರ....!!
ನಾನು ಬರೆಯಲು ಹೊರಟಿರೊದು ಇದನ್ನೆ..!!! ಟೀಂ , ಅವರ ಚಿತ್ರ,ವಿಚಿತ್ರ ಹೆಸರುಗಳು ಮತ್ತೆ ಅವರ ನಡುವಳಿಕೆಗಳ ಬಗ್ಗೆ.
ಒಂದು ಟೀಮ್ ನ ಹೆಸರು "ರಣಧೀರ" ಎಂದು....!!!! ಇದೇನು ಕ್ರಿಕೆಟ್ ಟೀಮ್ ಹೆಸರೊ ಅಥವಾ ಸಿನೀಮಾ ದ ಹೆಸರೊ ಎಂದು ಗೊಂದಲಕ್ಕೆ ಒಳಗಾಗಬೇಡಿ.
ಅವರ ವೇಷ, ಭೂಷಣಗಳು ಸ್ವಲ್ಪ ಹಾಗೆ ಇದ್ದವು.. ಅವರನ್ನ ನೋಡಿಯೆ ನಮಗೆ ಕಾಲಲ್ಲಿ ಎಲ್ಲಾ ನಡುಕ, ಅವರು ಒಬ್ಬೊಬ್ಬರು ನಮ್ಮ ೩-೪ ಜನಕ್ಕೆ ಸಮವಾಗಿ ಇದ್ದರು.. ನಮಗೆ ಹೌದಪ್ಪಾ ಇವರು ನಿಜವಾದ "ರಣಧೀರ"ರೆ ಅನ್ನಿಸಿತ್ತು..
ಆದರೆ ನಮ್ಮ ನಂಬಿಕೆ ಸುಳ್ಳಾಗಿದ್ದು, ಮೊದಲ ಬಾಲ್ ಅನಿರುದ್ದ ಮಾಡಿದಾಗಲೆ..!!!
ಆ ಬ್ಯಾಟ್ಸಮನ್, ಅನಿರುದ್ದ ಮಾಡಿದ ಬಾಲ್ ನ ವೇಗ ನೋಡಿ, ಸ್ಟಂಪ್ ನಿಂದ ಒಂದು ಮೀಟರ್ ದೂರ ಓಡಿ ಹೋದಾಗಲೆ...!!!
ಆಮೇಲೆ ಬಂದ ಎಲ್ಲಾ ಬ್ಯಾಟ್ಸಮನ್ ಗಳು ಹಾಗೇ "ಪಿಚ್" ತುಂಬಾ ಓಡುತ್ತಿದ್ದರು ಬಾಲ್ ಗೆ ಹೆದರಿ,
ಆಮೇಲೆ ಗೊತ್ತಾಯಿತು ಇವರು "ರಣಧೀರ" ರಲ್ಲಾ, "ಹೆದರುಪುಕ್ಕಲರು" ಎಂದು.
ಇನ್ನು ಚಿತ್ರ, ವಿಚಿತ್ರ ಹೆಸರುಗಳು. ಅದು "ಸೀಸನ್" ಅವಲಂಬಿಸಿರುತ್ತೆ ಅಂತಾ ನನ್ನ ನಂಬಿಕೆ ಯಾಕೆಂದರೆ
ಸುನಾಮಿ ಬಂದರೆ ಟೀಮ್ ಹೆಸರು " ಸುನಾಮಿ ", ವೀರಪ್ಪನ್ ಸುದ್ದಿಯಲ್ಲಿ ಇದ್ದಾಗ ಹೆಸರು " ವೀರಪ್ಪನ್ ".
ಮತ್ತೊಂದು ಟೀಮ್ ನ ಹೆಸರು " ಜೈ ಅಲಕ್ ನಿರಂಜನ್ ", ಇವರೇನು ಕ್ರಿಕೆಟ್ ಆಡುತ್ತಾರೊ ಅಥವಾ ಮಠಕ್ಕೆ ಹೋಗಿ ಪೂಜೆ ಮಾಡುತ್ತಾರೋ ಅನ್ನಿಸಿದರೆ, ಅದರಲ್ಲಿ ನಮ್ಮ ತಪ್ಪಿಲ್ಲ ಬಿಡಿ..............